Թրամփը պարտվել է իր որոշումները վիճարկող դատական գործերի 75%-ում
Թրամփը պարտվել է իր որոշումները վիճարկող դատական գործերի 75%-ում։ Այս մասին հայտնել է Washington Times-ը։
Նախագահի պաշտոնում իր վեց ամսվա ընթացքում Թրամփը բախվել է իր գործողությունները վիճարկող առնվազն 500 դատական գործի։ Դա օրական մոտ չորսն է։
Այդ գործերից մոտ 50-ը վարչակազմի կողմից որոշ միջազգային ուսանողների վտարելու անհաջող փորձի մաս էին կազմում՝ նրանց ներգաղթային կամ քրեական գործերի մեջ առկա անկանոնությունների պատճառով։ Թրամփը պարտվել է այդ գործերի 90%-ում։
Ավելին, նշվում է, որ Թրամփի դեմ որոշում կայացրած դատավորները և՛ դեմոկրատներ էին, և՛ նրա հանրապետական նախորդների կողմից նշանակվածներ։
