ՏԵՍԱՆՅՈՒԹ. Խուզարկությունները բնակավայրերում ավարտվել են, ձերբակալվածներ չկան. Իվետա Տոնոյան

ՀՀ Օլիմպիական կոմիտեն կապարակնքվել է և ներկայում չի գործում։ Այս մասին հայտնել է Իվետա Տոնոյանը։

Նրա խոսքով՝ Օլիմպավանում իրավապահների գործողությունները դեռ շարունակվում են, իրականացվում են խուզարկություններ։

Տոնոյանը նշել է, որ միայն «Արարատցեմենտ» գործարանն ունի շուրջ 1200 աշխատակից, և, ըստ նրա, ստեղծված իրավիճակը կարող է հանգեցնել մի քանի հազար մարդկանց գործազրկության։

Նա հավելել է, որ առայժմ չկա հստակ ժամկետ կամ պարզաբանում, թե երբ կավարտվեն գործողությունները։

Տոնոյանի խոսքով՝ բնակարաններում խուզարկություններն արդեն ավարտվել են, սակայն ոչինչ չի հայտնաբերվել, ձերբակալվածներ չկան, իսկ կան միայն հարցաքննության հրավիրված անձինք։