Հունգարիան կարող է մտածել ԵՄ-ից դուրս գալու մասին, եթե իրավիճակը հասնի անդառնալիության կետին. Օրբան

Հունգարիան կարող է մտածել Եվրամիությունից դուրս գալու մասին, եթե իրավիճակը հասնի անդառնալիության կետին։ Այս մասին հայտարարել է Հունգարիայի վարչապետ Վիկտոր Օրբանը:

Խոսելով ԵՄ-ին Հունգարիայի անդամակցության մասին՝ նա պատմել է, որ տեսականորեն կա որոշակի կետ, որից հետո այդ միավորման անդամ լինելու իմաստը կկորչի։

Վարչապետի խոսքով ՝ ամբողջ աշխարհը բաժանվել է երկու մասի, որոնք նա անվանում է «տրանսատլանտյան պառակտում»: Ըստ այդմ, գոյություն ունի Եվրոպային բնորոշ առաջադիմական-ազատական կողմ և ամերիկյան առաջնորդությամբ պահպանողական-ազգայնական կողմ:

«Եվրոպան հանդես է գալիս պատերազմի, Ամերիկան՝ խաղաղության օգտին, և պառակտումն աճում է, իրավիճակն անկայուն է»,- հավելել է Օրբանը: