ԵՄ-ն ձգձգում է X-ի դեմ հետաքննությունը ԱՄՆ-ի հետ առևտրային բանակցությունների ֆոնին
Եվրամիությունը դադարեցնում է Իլոն Մասկին պատկանող Իքս սոցիալական ցանցի նկատմամբ հետաքննությունը՝ ԱՄՆ-ի հետ ընթացող առևտրային բանակցությունների ֆոնին: Այս մասին հայտնում է Financial Times-ը:
«Այս ամենը կապված է միմյանց հետ», - թերթին ասել է իրազեկ պաշտոնյան։
Նրա տեղեկություններով՝ ԵՄ-ն հետաքննության արդյունքների մասին պետք է հայտարարեր ամռանը, սակայն կարող է բաց թողնել այդ ժամկետը։ Որոշումը կախված է Վաշինգտոնի և Բրյուսելի միջև առևտրային բանակցությունների ընթացքից, քանի որ ոչ ոք չի ցանկանում վիրավորել ԱՄՆ նախագահ Դոնալդ Թրամփին և սրել անդրատլանտյան առևտրային հակամարտությունները:
