Եկատերինբուրգում ադրբեջանական սփյուռքի ղեկավարի որդու դեմ քրեական գործ է հարուցվել

Եկատերինբուրգում ադրբեջանական սփյուռքի ղեկավարի որդու՝ Մուտվալա Շիխլինսկու դեմ քրեական գործ է հարուցվել։ Այս մասին «ՌԻԱ Նովոստի»-ին հայտնել է Սվերդլովսկի մարզի փաստաբանների պալատի նախագահ Իգոր Պուտինցևը։

Նախկինում հաղորդվել էր, որ Շիխլինսկին ունի փաստաբանի կարգավիճակ և Սվերդլովսկի մարզի փաստաբանների պալատի անդամ է։ Պուտինցևը չի մանրամասնել, թե ինչ հոդվածով կարող է մեղադրանք առաջադրվել Շիխլինսկու դեմ։

Հուլիսի 1-ին «Մաշ»-ը հայտնել է, որ ադրբեջանական սփյուռքի ղեկավարի որդին գրեթե վրաերթի է ենթարկել մի գործակալի, երբ նա փորձել է փախչել հետապնդումից։ Նա հորը մեքենայով տանում էր Բաքու Պլազայի մոտ, երբ իրավապահ մարմինները փորձել են ձերբակալել նրանց։ Շիխլինսկի կրտսերը փորձել է փախչել ԱԴԾ աշխատակիցներից, երբ հետընթաց է կատարել, բաց դռնով հարվածել է նրանցից մեկին և վնասել ուրիշի մեքենան։