ԱՄՆ նախագահի հայտարարությունները շատ լուրջ են. Պեսկով
Կրեմլի խոսնակ Դմիտրի Պեսկովն անդրադարձել է ԱՄՆ նախագահ Դոնալդ Թրամփի՝ ՌԴ նախագահ Վլադիմիր Պուտինի հասցեին արած հայտարարություններին։
«ԱՄՆ նախագահի հայտարարությունները շատ լուրջ են, դրանցից որոշներն ուղղված են անձամբ Պուտինին: Մեզ, անկասկած, ժամանակ է պետք Վաշինգտոնում ասվածը վերլուծելու համար»,- ասել է նա լրագրողներին:
Ըստ Պեսկովի՝ Պուտինն ինքը կմեկնաբանի Թրամփի խոսքերը Ռուսաստանի և իր մասին, եթե անհրաժեշտ համարի։
Հիշեցնենք`Թրամփը հայտարարել է, որ եթե 50 օրվա ընթացքում Ռուսաստանի և Ուկրաինայի միջև հաշտության համաձայնություն չհաստատվի, ԱՄՆ-ն 100% մաքսատուրքեր կսահմանի Ռուսաստանից ներկրվող ապրանքների վրա, և երկրորդային պատժամիջոցներ այն երկրների նկատմամբ, որոնք գնում են ռուսական նավթ:
