Շատ խիստ մաքսատուրքեր կսահմանենք Ռուսաստանի նկատմամբ. Թրամփ

ԱՄՆ նախագահ Դոնալդ Թրամփը ՆԱՏՕ գլխավոր քարտուղար Մարկ Ռյուտտեի հետ հանդիպման ժամանակ հայտարարել է, որ մտադիր է շատ խիստ մաքսատուրքեր սահմանել Ռուսաստանի նկատմամբ, եթե Ուկրաինայի հարցով գործարքին չհաջողվի հասնել 50 օրվա ընթացքում։

«Եթե ես Պուտինի փոխարեն լինեի և լսեի, թե ինչ է նախատեսում Թրամփը առաջիկա 50 օրվա ընթացքում, ես կմտածեի՝ չարժե՞ արդյոք Ուկրաինայի հետ բանակցությունների սեղանի շուրջ նստել»,- ի պատասխան ասել է ՆԱՏՕ-ի գլխավոր քարտուղար Մարկ Ռյուտեն։