BRICS-ին աջակցող երկրների նկատմամբ լրացուցիչ մաքսատուրքեր կսահմանվեն․ Թրամփ
ԱՄՆ նախագահ Դոնալդ Թրամփը զգուշացրել է, որ BRICS-ի քաղաքականությունը սատարող երկրների վրա կսահմանվեն լրացուցիչ 10 տոկոս առևտրային մաքսատուրքեր։ Համապատասխան հրապարակումը նա հրապարակել է հուլիսի 6-ին Truth Social-ում։
«Ցանկացած երկիր, որը կաջակցի BRICS-ի հակաամերիկյան քաղաքականությանը, կենթարկվի լրացուցիչ 10% մաքսատուրքերի», - գրել է Սպիտակ տան ղեկավարը։
Մեկ այլ հրապարակման մեջ նա նշել է, որ հուլիսի 7-ին ամերիկյան վարչակազմը կսկսի տեղեկացնել այլ երկրներին երկկողմ առևտրի հետագա պայմանների, ամերիկյան շուկա մատակարարվող ապրանքների մաքսատուրքերի դրույքաչափերի կամ պայմանագրի կնքման մասին գործարքներ։
Հունիսին Ռուսաստանի Դաշնության փոխարտգործնախարար, BRICS-ի շերպա Սերգեյ Ռյաբկովը ՏԱՍՍ վերլուծական կենտրոնին տված հարցազրույցում հայտարարել էր, որ BRICS-ում տեղի ունեցողը դժգոհություն է առաջացնում ոչ միայն ԱՄՆ նախագահի մոտ, և սա բացահայտում է Արևմուտքի խնդիրը, այն է՝ արտաքին քաղաքականության եսասիրությունը։
