Թրամպի օրինագիծը Միացյալ Նահանգները կտանի ստրկության ճանապարհով. Մասկ

Նախագահ Դոնալդ Թրամփի վարչակազմի կողմից առաջարկված օրինագիծը կարող է Միացյալ Նահանգները տանել ստրկության ճանապարհով։

Այս մասին X սոցիալական ցանցում հայտարարել է Կառավարության արդյունավետության դեպարտամենտի նախկին ղեկավար, ձեռնարկատեր Իլոն Մասկը։

«Այս օրինագիծը կբարձրացնի պարտքի վերին շեմը 5 տրիլիոն դոլարով, ինչը պատմության մեջ ամենամեծ աճն է, ինչը Ամերիկային կուղարկի ստրկության ամենակարճ ճանապարհով», - գրել է Մասկը։

Բացի այդ, Մասկի խոսքով, օրինագիծը կոչնչացնի միլիոնավոր աշխատատեղեր Միացյալ Նահանգներում և հսկայական ռազմավարական վնաս կպատճառի երկրին։

Հիշեցնենք, որ ԱՄՆ Կոնգրեսի ստորին պալատն ընդունել է Թրամփի կողմից առաջ քաշված օրինագիծը, որը նախատեսում է հարկերի և պետական ծախսերի զգալի կրճատում մի շարք ոլորտներում։ Միևնույն ժամանակ, օրինագիծը ենթադրում է պաշտպանական ծախսերի ավելացում։