ԻՀՊԿ հրամանատարը Թրամփին սպառնացել է և անվանել նրան հիմար
Իսլամական հեղափոխության պահապանների կորպուսի (ԻՀՊԿ) հրամանատար, գեներալ-մայոր Մոհամմադ Պակպուրը ԱՄՆ նախագահ Դոնալդ Թրամփին անվանել է «հիմար» և զգուշացրել Վաշինգտոնի նոր հարձակումների մասին, քանի որ դրանք կհանգեցնեն Թեհրանի «ավելի կոշտ պատասխանի»: Այս մասին հաղորդում է Tasnim լրատվական գործակալությունը։
Հոդվածում նշվում է, որ երկուշաբթի երեկոյան ԻՀՊԿ-ն «ջախջախիչ և հզոր հրթիռային հարված» է հասցրել Կատարում գտնվող ԱՄՆ Ալ Ուդեյդ ավիաբազային՝ ի պատասխան Իրանի միջուկային օբյեկտներին Վաշինգտոնի հարվածների։
ԻՀՊԿ հրամանատար Պակպուրը հայտարարել է, որ Արևմտյան Ասիայում ԱՄՆ կենտրոնական հրամանատարության «բաբախող սիրտ» անվանվող ավիաբազան, որը պաշտպանված էր «հատուկ բազմաշերտ համակարգերով», վնասվել է։
«Քննադատելով «հիմար» ԱՄՆ նախագահին՝ ամերիկացիների անվտանգությունն ու շահերը սիոնիստական ռեժիմի գոյատևման համար զոհաբերելու համար, ԻՀՊԿ հրամանատարը զգուշացրել է ԱՄՆ-ին, որ Իրանի դեմ ագրեսիայի ցանկացած կրկնություն կհանգեցնի ավելի ավերիչ պատասխան միջոցառումների, որոնք Վաշինգտոնին կստիպեն ավելի զղջալ Իսլամական Հանրապետության դեմ իր գործողությունների համար և ագրեսորին դաս կտան, որը կմտնի պատմության մեջ», հաղորդում է գործակալությունը։
