Իրանը հրադադարի հետ կապված հայտարարություն է տարածել

Իսրայելի հետ հրադադարը ուժի մեջ է մտել իրանական կողմից։ Այս մասին հայտնել է իրանական Press TV հեռուստաալիքը։

«Հրադադարը սկսվել է Իսրայելի տարածքների վրա Իրանի չորս հարձակումներից հետո», - ասվում է հաղորդագրության մեջ։

Հունիսի 24-ի գիշերը ԱՄՆ նախագահ Դոնալդ Թրամփը հայտարարել է, որ Իրանը և Իսրայելը համաձայնության են եկել հրադադարի շուրջ։ Նրա խոսքով՝ 24 ժամվա ընթացքում աշխարհը կողջունի «12-օրյա պատերազմի պաշտոնական ավարտը»։

Ավելի վաղ Իրանի արտաքին գործերի նախարար Աբբաս Արաղչին հայտնել էր, որ ներկայումս Իսրայելի հետ ո՛չ հրադադարի, ո՛չ էլ ռազմական գործողությունների վերաբերյալ որևէ համաձայնություն չկա։