Տարածաշրջանն ուղղակի սլանում է դեպի աննախադեպ լարվածության. իրանագետ

Այս գիշեր ԱՄՆ-ը օդային հարված է իրականացրել Իրանի երեք միջուկային ենթակառուցվածքի վրա՝ որպես նպատակակետեր ընտրելով Ֆորդոյի, Նաթանզի և Սպահանի միջուկային կենտրոնները։

Telegram-ում գրել է իրանագետ Վարդան Ոսկանյանը:

«Վնասի չափերի և հարվածի մանրամասների մասին առայժմ որևէ հստակ տեղեկատվություն չկա։

Միևնույն ժամանակ ոչ պաշտոնական տեղեկատվություն է տարածվում, որ ներքին խողովակներով ԱՄՆ-ը տեղեկացրել է Իրանին, որ այլ հարվածներ չեն լինելու։

Իրանական կողմից հայտարվել է, որ Իրանի դեմ պատերազմում ԱՄՆ-ի ուղիղ ներգրավումը տարածաշրջանում ամերիկյան ցանկացած ռազմակայան դարձնելու է թիրախ։

Տարածաշրջանն ուղղակի սլանում է դեպի աննախադեպ լարվածության և հակամարտության հորձանուտ, և այս ամենը հենց մեր սահմանին», գրել է իրանագետը։