Հնդկաստանը խզում է Պակիստանի հետ կնքված ջրային պայմանագիրը

Հնդկաստանը խզում է Պակիստանի հետ կնքված ջրային պայմանագիրը: 

Հնդկաստանի ներքին գործերի նախարար Ամիտ Շահը հայտարարել է, որ Պակիստանի հետ կնքված Ինդոս գետի ջրային պայմանագիրը չի վերականգնվի: Նրա խոսքով՝ նախկինում Պակիստան ուղարկված ռեսուրսները այժմ կօգտագործվեն Հնդկաստանի Ռաջաստան նահանգի կարիքների համար:

«Այս պայմանագիրը կնքվել է երկու երկրների միջև խաղաղության և առաջընթացի անունով, բայց երբ այդ սկզբունքները խախտվում են, պաշտպանելու ոչինչ չի մնում»,- ընդգծել է նախարարը:

Հիշեցնենք, որ խոսքը 1960 թվականին Համաշխարհային բանկի միջնորդությամբ ստորագրված Ինդոս գետի ջրային պայմանագրի մասին է: Այն կարգավորում էր Ինդոս գետի ավազանի ամենամեծ գետերի ջրերի բաշխումը Հնդկաստանի և Պակիստանի միջև: