Արթուր Հովհաննիսյանը` Սամվել Կարապետյանին Ադրբեջանին հանձնելու մասին
ՔՊ-ական պատգամավոր Արթուր Հովհաննիսյանը «բացարձակ տխմարություն» է համարում իր նախկին թիմակից, ադրբեջանագետ Տաթևիկ Հայրապետյանի վերլուծությունը, ըստ որի՝ ՔՊ-ն գործարար, բարերար Սամվել Կարապետյանին կարող են հանձնել Ադրբեջանին։
«Սրան մեկնաբանություն չի էլ կարող հնչել»,- ճեպազրույցների ժամանակ հայտարարել է նա։
ՔՊ-ական մեկ այլ պատգամավոր Վլադիմիր Վարդանյանն էլ չմեկնաբանեց նախկին թիմակցի հայտարարությունը։
«Կոնսպերալոգիաներին երբեք չեմ հավատացել ու չեմ էլ ուզում, որ ինչ-որ մեկը հավատա»,- ասել է Վարդանյանը։
Հիշեցնենք՝ Սամվել Կարապետյանին մեղադրանք էր ներկայացվել իշխանությունը զավթելու հրապարակային կոչերի համար:
