Նկատողություն՝ ԱԺ երկու պատգամավորի
ԱԺ նախագահ Ալեն Սիմոնյանը նախազգուշացում է հայտարարել ՔՊ խմբակցության պատգամավորներ Արման Եղոյանին ու Նարեկ Ղահրամանյանին։ Նրանք ԱԺ «Հայաստան» խմբակցության պատգամավոր Աննա Գրիգորյանի ելույթի ժամանակ տեղից միջամտում էին։ Թեև Ալեն Սիմոնյանը մի քանի անդամ դիտողություն է արել, սակայն պատգամավորները շարունակել են միջամտել ու խանգարել ելույթը։
«ԱԺ կանոնակարգի համաձայն՝ նկատողություն եք ստանում, նախազգուշացում եք ստանում պարոն Եղոյան, և նույնը Ձեզ է վերաբերվում, պարոն Ղահրամանյան»,- ասել է ԱԺ նախագահը։
Աննա Գրիգորյանն էլ արձագանքել է. «Ղահրամանյանը զեմլյակս է, ոչինչ, թեթև կտանենք»։
