ՌԴ-ում կան շրջանակներ որոնք հիբրիդային պատերազմի ետևում են կանգնած. Փաշինյան
Ես փոխադարձ վստահության վրա հիմնված շատ սերտ աշխատանքային հարաբերություններ ունեմ ՌԴ նախագահի, վարչապետի հետ և չեմ կարող հավատալ, որ Կրեմլից կամ կառավարությունից կարող են ՀՀ դեմ գործողություններ իրականացվել: Այս մասին ԱԺ-ում լրագրողների հետ ճեպազրույցի ընացքում ասել է վարչապետ Նիկոլ Փաշինյանը՝ ՌԴ-ից ՀՀ դեմ հիբրիդային պատերազմ վարելու իշխանական գործիչների հայտարարությունների մասին հարցին ի պատասխան։
«Բայց մեծ է հավանականությունը, որ ՌԴ-ում, այնուամենայնիվ, կան որոշակի շրջանակներ, ընդ որում, ոչ միայն ՌԴ-ում, վստահ եմ՝ այս դեպքում կոնկրետ այլ երկրներում կան որոշակի շրջանակներ, որոնք հիբրիդային գործողությունների և հիբրիդային պատերազմի ետևում են կանգնած»,-նշել է նա և ավելացրել, որ ունեն բոլոր կարողություններն ու հնարավորությունները՝ կառավարելու այդ հիբրիդային ռիսկերը։
