Ինչ իրավիճակ է Մեղրիի անցակետում. Իրանից գալիս են Հայաստան
Մեղրի անցակետն այս պահին. բազմաթիվ քաղաքացիներ Իրանից գալիս են դեպի Հայաստան: Այս մասին հայտնում է SputnikArmenia-ն:
«Մեղրիից Երևան տաքսիները հիմա բերում են 220 դոլարով (մոտ 85 հազար դրամ), այնինչ առաջ անձը 7000 դրամ էր, այսինքն` մի մեքենան կազմում էր 28 հազար դրամ»,- գրել է լրատվականը:
Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:
