ԱԱԾ տնօրենի փոփոխությունը ոչ մի բան չի փոխել․ Փաշինյանը՝ անհետ կորածների մասին
ՀՀ վարչապետ Նիկոլ Փաշինյանը տեղեկացրել է, որ 2 շաբաթ առաջ հանդիպել է անհետ կորածների հարազատներն.
«Ինչպես նախկինում, մեր հանդիպումները երբեք չեն լուսաբանվում։ Մենք ձեռք ենք բերել կոնկրետ պայմանավորվածություն այդ հանդիպման ընթացքում, նրանք ինձ տվել են 5 կոնկրետ հարց, որի շուրջ ես ասել եմ, պայմանավորվել եմ, որ այդ հարցերով անձամբ կզբաղվեմ։ Ես ասել եմ՝ այդ 5 հարցերը երբ ինձ փոխանցեն, ուղիղ 2 ամիս անց տեղի կունենա հանդիպում, որ այդ բոլոր հարցերին պատասխանեմ»,- ասել է Փաշինյանը։
Նրա խոսքով՝ ԱԱԾ տնօրենի փոփոխությունը ոչ մի բան չի փոխել պայմանավորվածության մեջ։
«Ես արդեն 5 հարցերի հետ կապված տվել եմ հանձնարարականներ, և, ինչպես պայմանավորվել ենք, կհանդիպենք 2 ամիս անց՝ այդ 5 հարցերի պատասխանի համար։ Հանդիպումը տեղի է ունեցել հունիսի 6-ին»,- ասել է Փաշինյանը։
