«Կարժանանա Հուսեյնի ճակատագրին». Իսրայելից սպառնացել են Խամենեիին
Պաշտպանության նախարար Իսրայել Կացը սպառնալից ուղերձ է հղել Իրանի գերագույն առաջնորդ Ալի Խամենեիին՝ ակնարկելով, որ նա կարող է մահապատժի ենթարկվել ինչպես Իրաքի նախկին նախագահ Սադամ Հուսեյնը։
«Հիշե՛ք, թե ինչ պատահեց Իրանի հարևան երկրի բռնապետի հետ, որը այս ուղին ընտրեց Իսրայելի դեմ», - Կացի խոսքերը մեջբերել է Ynet-ը։
Նա ընդգծել է, որ Իսրայելն այժմ հզոր հարված է հասցնում Իրանին բոլոր ճակատներում։
Հիշեցնենք, որ Հուսեյնը տապալվել է ԱՄՆ-ի գլխավորած միջազգային կոալիցիայի կողմից Իրաք ներխուժման արդյունքում 2003 թվականի ապրիլին։ Ամերիկյան զորքերի կողմից ձերբակալվելուց հետո Հուսեյնը հանձնվել է Իրաքի ժամանակավոր կառավարությանը, իսկ 2006 թվականի դեկտեմբերի 30-ին նա մահապատժի է ենթարկվել կախաղան բարձրանալու միջոցով։
