Շուտով աշխարհը կտեսնի, թե ինչ նորարարություններ կբերի Իրանը մարտադաշտ. ԻՀՊԿ հրամանատար

Իրանը պատրաստ է երկարատև պատերազմի Իսրայելի հետ: Այս մասին հայտարարել է Իսլամական հեղափոխության պահապանների կորպուսի (ԻՀՊԿ) հրամանատար Ահմադ Վահիդին։

«Մենք երկարատև պատերազմի մտավախություն չունենք, և առաջիկա օրերին աշխարհը կտեսնի, թե ինչ նորարարություններ կբերի Իրանը մարտադաշտ», - ասել է Վահիդին, ինչպես մեջբերում է Tasnim լրատվական գործակալությունը ։

Նա նաև ընդգծել է, որ իրանական զորքերը դեռևս լիովին չեն օգտագործել իրենց հրթիռային ներուժը։ Նրա խոսքով՝ ժամանակակից զենքը կօգտագործվի հակամարտության մեջ, «երբ Իրանը դա անհրաժեշտ համարի»։

Ավելի վաղ Իսրայելի իշխանությունները հայտնել էին , որ Իսրայելում Իրանի կողմից հրթիռային հարձակումների հետևանքով զոհվել է 24 մարդ, վիրավորվել՝ 592-ը։