Իսրայելը կհարվածի Իրանի կառավարական շենքերին. Կաց

Իսրայելի պաշտպանության նախարար Իսրայել Կացը հայտարարել է, որ պլանավորում են այսօր հարվածել Թեհրանում գտնվող կարևորագույն թիրախներին՝ կառավարական շենքերին, ռազմավարական ենթակառուցվածքներին և որոշումների կայացման կարևոր կենտրոններին:

Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները: