Եթե նրանք ուզում են խոսել, գիտեն, թե ինչպես կապվել ինձ հետ. Թրամփ
Եթե Իրանը ցանկանում է խոսել, գիտի՝ ինչպես կապվել ինձ հետ. այս մասին Truth Social սոցկայքում գրել է ԱՄՆ նախագահ Դոնալդ Թրամփը՝ նկատի ունենալով Իրանի հետ հավանական բանակցությունները:
«Ես որևէ կերպ կամ ձևով չեմ դիմել Իրանին «խաղաղության բանակցությունների» համար։ Սա պարզապես հորինված, կեղծ լուրեր են։ Եթե նրանք ուզում են խոսել, գիտեն, թե ինչպես կապվել ինձ հետ։ Նրանք պետք է ընդունեին սեղանին դրված գործարքը։ Դա շատ կյանքեր կփրկեր»,- նշել է նա։
