Եկեղեցու դեմ խուլիգանական ակցիաները չեմ բացառում. Արթուր Խաչատրյան
«Որևէ ստորություն, որեւէ սադրանք չեմ բացառում։ Եկեղեցու դեմ խուլիգանական ակցիաները չեմ բացառում, ինչո՞ւ հանկարծ Նիկոլ Փաշինյանը որոշեց մայիսի 30-ին հարձակում սկսել Հայ առաքելական եկեղեցու դեմ։ Որովհետեւ Եկեղեցին Շվեյցարիայում խորհրդաժողով էր կազմակերպել, որտեղ արծարծվել էր արցախցիների վերադարձի իրավունքի հարցը եւ Արցախի պատմամշակութային ժառանգության պահպանման հարցը»,- խորհրդարանում լրագրողների հետ ճեպազրույցում ասել է «Հայաստան» խմբակցության պատգամավոր Արթուր Խաչատրյանը՝ անդրադառնալով Նիկոլ Փաշինյանի՝ «Եկեղեցին ժողովրդին վերադարձնելու» մասին կոչին։
«Հունվարի 7-ին Ալիեւն ասել էր՝ կամ Հայաստանի իշխանությունները հայկական ֆաշիզմի ռևանշիզմի դեմ պետք է պայքարեն, կամ ես Հայաստանի դեմ կպայքարեմ»,- ասել է պատգամավորը։
