«Հայաստան» խմբակցությունը՝ Դավիթ Համբարձումյանի թեկնածության մասին
Քիչ առաջ ԱԺ «Պատիվ ունեմ» խմբակցությունը հայտարարեց, որ Փաշինյանին անվստահություն հայտնելու գործընթացին միս ու արյուն է տրվում, վարչապետի թեկնածու իրենք առաջադրում են Մասիսի համայնքապետ Դավիթ Համբարձումյանին:
Արդյո՞ք խորհրդարանական ընդդիմությունը կհամախմբվի Համբարձումյանի թեկնածության շուրջ, «Հայաստան» խմբակցությունը կմիանա՞ գործընթացին. MediaHub-ը փորձել է պարզել` զրուցելով խմբակցության ղեկավար Սեյրան Օհանյանի հետ:
«Ես նոր եմ կարդացել հայտարարությունը: Հաջորդ շաբաթ «Հայաստան» խմբակցությունը կհայտնի իր դիրքորոշումը: Պետք է քննարկենք հարցը»,- լրատվամիջոցի հետ զրույցում նշել է Օհանյանը:
Հարցին, թե ինքն անձամբ ինչպե՞ս է վերաբերում Համբարձումյանի թեկնածությանը, Սեյրան Օհանյանը պատասխանել է` իր մասին որևէ բացասական կարծիք չունի:
