Միրզոյանի կինը մրցույթի արդյունքում է նոր պաշտոնի նշանակվել
Գոհար Աբաջյանը «Ներդրումների աջակցման կենտրոն» հիմնադրամի տնօրեն է նշանակվել մրցույթի արդյունքում։ Այս մասին հայտարարել է ՀՀ վարչապետի աշխատակազմի ղեկավար Արայիկ Հարությունյանը։
«Եթե չեմ սխալվում, շատ թեկնածուներ են եղել, հետո եղել են հարցազրույցներ, որոնց արդյունքում որոշում է կայացվել»,– ասել է Արայիկ Հարությունյանը։
Նա վստահություն է հայտնել, որ կատարվել է օբյեկտիվ որոշում։
Հիշեցնենք` երեկ հայտնի դարձավ, որ ՀՀ արտաքին գործերի նախարար Արարատ Միրզոյանի կինը` Գոհար Աբաջյանը, նշանակվել է «Ներդրումների աջակցման կենտրոն» հիմնադրամի տնօրեն։
