Թուրքիայում մեծ թվով մարդիկ վիրավորվել են կենդանիների մորթման ժամանակ
Թուրքիայում Կուրբան Բայրամի առաջին օրը բժշկական օգնության է դիմել ավելի քան 14 000 մարդ, որոնք վիրավորվել են զոհաբերվող կենդանիների անհաջող մորթման ժամանակ: Այս մասին հայտնել է երկրի Առողջապահության նախարար Քեմալ Մեմիշօղլուն։
«Տոնի առաջին օրը հիվանդանոցներում բուժում է ստացել 14 372 մարդ՝ զոհաբերության ժամանակ ստացած վնասվածքների պատճառով, այդ թվում՝ 1049-ն Անկարայում, 753-ը՝ Ստամբուլում և 655-ը՝ Կոնիայում»,- գրել է նախարարը X սոցցանցում։
Նա շեշտել է, որ նման միջադեպերից խուսափելու համար կենդանիները պետք է մորթվեն մասնագետների կողմից։
