Երևանից չեղարկվել են մի շարք չվերթեր դեպի որոշ քաղաքներ
Իսրայելի՝ Իրանին հասցված ավիահարվածներից հետո ստեղծված լարվածության ֆոնին չեղարկվել է «FlyOne» ավիաընկերության Թել Ավիվ-Երևան-Թել Ավիվ չվերթը, գրում է Sputnik-ը։
Իրան-Իսրայել աճող հակամարտության հետևանքով Միացյալ Արաբական Էմիրությունները չեղարկել, հետաձգել է մի շարք չվերթեր կամ փոխել օդային երթուղիները։ Այս պահին չեղարկված են «Fly Dubai» ավիաընկերության Դուբայ-Երևան-Դուբայ և Wizz Air-ի Աբու Դաբի-Երևան-Աբու Դաբի չվերթերը։
«Զվարթնոց» միջազգային օդանավակայանի կայքի համաձայն՝ այս պահի դրությամբ Armenia Airways-ի Թեհրան-Երևան-Թեհրան չվերթը ևս հետաձգված է։
Իրանի, Իսրայելի, Իրաքի, Սիրիայի և Հորդանանի օդային տարածքը փակ է։
Նշենք, որ հունիսի 13-ի գիշերը Իսրայելի պաշտպանության ուժերը (IDF) սկսեցին «Վերելք առյուծ» անվամբ լայնածավալ գործողություն, որի շրջանակներում ՌՕՈՒ-ն հարվածներ է հասցնում Իրանի միջուկային ծրագրի ռազմական թիրախներին և օբյեկտներին։
