Քաղաքացիները հակառուսական պաստառներով բողոքի ակցիա են իրականացնում
Ազգային ժողովի դիմաց քաղաքացիները հակառուսական պաստառներով, Հայաստանի և ԵՄ դրոշներով իրենց բողոքն են արատահայտում ՌԴ Դաշնային խորհրդի նախագահ Վալենտինա Մատվիենկոյի այցի կապակացությամբ։
Վալենտինա Մատվիենկոյի գլխավորած պատվիրակությունն այս պահին հանդիպում է Ազգային ժողովի խոսնակ Ալեն Սիմոնյանի հետ։
Ոստիկանության պետի տեղակալ Կարեն Հակոբյանը ակցիայի մասնակիցներին հորդորեց հեռանալ դարպասների մոտից, որտեղ ոստիկանությունը ծառայություն է իրականացնում, ինչին նրանք սպառնալիքներով պատասխանեցին. «Հեռացե՛ք։ Մի՛ խանգարեք։ Մի՛ ստիպեք մեզ փողոցը խառնել իրար»։
Ավելի վաղ հայտնել էինք, որ ԱԺ շենքի դիմաց ոստիկանական ուժերը ուժեղացված ծառայություն են իրականացնում։
