Գերիների հարցը ցավոտ մասն է. Միրզոյան
Գերիների և ապօրինի պահվող անձանց հարցը և ընդհանրապես հումանիտար հարցերը մեծ օրակարգի կարևոր ու ցավոտ մասն: Այս մասին հայտնել է ԱԳ նախարար Արարատ Միրզոյանը:
Նրա խոսքով՝ դա երևի այն եզակի հարցերից է, որ ընդհանրապես խոսակցություն չի ստացվում ունենալ:
«Վերջին բանը, որ եղել է շոշափելի, COP 29-ի շրջանակում է եղել, և դրանից հետո խոսակցությունն անշուշտ եղել է բայց չի՛ հաջողվել: Ես կարծում եմ, որ եթե մեզ հաջողվի ունենալ վերջնական, իսկական, ստորագրված պայմանագիր, ու կգնանք առաջ դելիմիտացիայի գործընթացով, մի հայտարարի կգանք ենթակառուցվածքների ապաշրջափակման գործընթացով և կլինի այդ իրական կարգավորումն ու առաջ կգնա հնարավորությունները, մենք վստահ ենք, որ գոնե ավելի բարենպաստ պայմաններ կլինեն այդ հարցերի լուծման համար»,- ասել է Միրզոյանը:
