Արդյո՞ք Գարեգին Բ-ն խախտել է կուսակրոնության ուխտը. Փաշինյան
Մայր Աթոռ Սուրբ Էջմիածինը պետք է հստակ պարզաբանի, արդյո՞ք Գարեգին Բ–ն խախտել է կուսակրոնության ուխտը եւ զավակ ունի։ Այս հարցը պետք է պարզաբանվի անհետաձգելիորեն։ Այս մասին ֆեյսբուքում գրել է ՀՀ վարչապետ Նիկոլ Փաշինյանը:
Հիշեցնենք՝ ավելի վաղ Նիկոլ Փաշինյանը ֆեյսբուքում գրառում է կատարել` մեջբերելով հետևյալ սաղմոսը.
8 Տէ՛ր, Տէ՛ր, իմ փրկութեան զօրութի՛ւն,
գլխիս հովանի՛ն պատերազմի մէջ:
9 Մի՛ մատնիր ինձ, Տէ՛ր, մեղաւորների կամքին,
որոնք նենգամտեցին իմ դէմ:
Ինձ երեսի վրայ մի՛ թող,
որ նրանք երբեք չբարձրանան,
եւ նրանց մտադրութիւնները չկատարուեն:
10 Թող նրանց կատարածի վախճանն այս լինի.
իրենց շրթունքների վաստակը թող ծածկի նրանց:
11 Դու նրանց վրայ կրակի կայծեր թափի՛ր ու կործանի՛ր նրանց,
որ տառապանքներից չկարողանան փրկուել:
Սաղմոս 139․ 8–11
