Հարձակումներ են իրականացրել Հայաստանի կառավարական կայքերի վրա
The Insider-ի փոխանցմամբ՝ 2024 թվականի սեպտեմբերին ԱՄՆ Հետաքննությունների դաշնային բյուրոն (ՀԴԲ) մեղադրական եզրակացություն է հրապարակել Գլխավոր հետախուզական վարչություն (ԳՌՈՒ-ի) 29155 ստորաբաժանմանը կից գործող հակերների խմբի դեմ: Այս ստորաբաժանումը հայտնի է դարձել Սոլսբերիում Սկրիպալի թունավորման գործով։
Դեռ 2017 թվականին The Insider-ը բացահայտել էր, որ ԳՌՈՒ-ում գործում են հակերային ստորաբաժանումներ: Այդ ժամանակ խոսքը վերաբերում էր 26165 ստորաբաժանմանը, որը հայտնի է որպես Fancy Bear կամ APT28: Այն առավել հայտնի է Հիլարի Քլինթոնի, Էմանուել Մակրոնի և տարբեր միջազգային կազմակերպությունների կայքերի կոտրումներով։ Հետագայում պարզվել է, որ ԳՌՈՒ-ի հովանու ներքո գործում է նաև Sandworm խումբը (74455 ստորաբաժանում), որը ստեղծել է NotPetya կործանարար վիրուսը, անջատել է Ուկրաինայի էլեկտրակայանները և հարձակումներ իրականացրել ՆԱՏՕ-ի ռազմական օբյեկտների վրա։
Պարզվել է, որ ԳՌՈՒ-ի հակերները հարձակումներ են իրականացրել Հայաստանի կառավարական կայքերի վրա.
ՀՀ արտաքին գործերի նախարարության կայք՝ 13.11.2022, 22:51
ՀՀ արտաքին գործերի նախարարության կայք՝ 25.03.2023, 01:45
ՀՀ առողջապահության նախարարության կայք՝ 13.05.2023, 21:40
ՀՀ արտաքին գործերի նախարարության կայք՝ 02.02.2024, 14:53
Հիշեցնենք, որ 2022 թվականի նոյեմբերին Հայաստանում լարված իրավիճակ էր՝ պայմանավորված Ադրբեջանի սեպտեմբերյան ագրեսիայով։
