Մեքենան մխրճվել է ֆուտբոլի երկրպագուների ամբոխի մեջ․ Ֆրանսիա
Ֆրանսիայի հարավ-արեւելքում տղամարդը մեքենայով մխրճվել է ֆուտբոլի երկրպագուների ամբոխի մեջ։ Այս մասին հայտնում է Le Parisien-ը։
Միջադեպը տեղի է ունեցել Գրենոբլ քաղաքում: Երկրպագուները տոնում էին ՊՍԺ-ի հաղթանակը։ Չորս մարդ վիրավորվել է, նրանցից երկուսի վիճակը ծանր է։
Տուժածները հոսպիտալացվել են։ Ֆուտբոլասերներին վրաերթի է ենթարկել տրամվայի գծերով մեծ արագությամբ ընթացող վարորդը։
Պարբերականը հղում անելով իր աղբյուրին, նշում է, որ վարորդի գործողությունները միտումնավոր չեն եղել։
Հարապարակվել են նաև տեսակադրեր։
Ավելի վաղ հայտնել էինք, որ Ֆրանսիական ՊՍԺ-ի հաղթանակը Չեմպիոնների լիգայում անկարգություններ է առաջացրել Փարիզում: Չեմպիոնական տոնակատարությունների ժամանակ ոստիկանությունը բերման է ենթարկել մոտ 300 մարդու։
