Անկարգություններ՝ Փարիզում․ հրդեհվել են մեքենաներ, վնասվել՝ խանութներ և ռեստորաններ
Ֆրանսիական ՊՍԺ-ի հաղթանակը Չեմպիոնների լիգայում անկարգություններ է առաջացրել Փարիզում: Չեմպիոնական տոնակատարությունների ժամանակ ոստիկանությունը բերման է ենթարկել մոտ 300 մարդու։
«Ոստիկանության վերջին տվյալներով ՝ Փարիզում տոնակատարության ընթացքում ձերբակալվել է 294 մարդ։ Մի քանի մարդ ներխուժել Է Ելիսեյան դաշտերում գտնվող կոշիկի խանութ։ Միայն այնտեղ ոստիկանությունը ձերբակալել է մոտ 30 մարդու», - ասվում է հաղորդագրության մեջ։
Անկարգությունների ժամանակ հրդեհվել են մեքենաներ։ Քաղաքի կենտրոնում, ավտոմեքենաներից բացի, վնասվել են խանութներ և ռեստորաններ։
Հիշեցնենք, որ երեկ ՊՍԺ-ն խոշոր հաշվով՝ 5-0, հաղթել է Միլանի «Ինտերին» ու պատմության մեջ առաջին անգամ դարձել Չեմպիոնների լիգայի գավաթակիր։
