Պուտինը նամակ է ուղարկել Սաուդյան Արաբիայի թագավորին. մանրամասներ
Սաուդյան Արաբիայի թագավոր Սալման բին Աբդուլազիզ Ալ Սաուդը նամակ է ստացել Ռուսաստանի նախագահ Վլադիմիր Պուտինից: Այս մասին հայտնել է Սաուդյան Արաբիայի պետական SPA լրատվական գործակալությունը։
«Երկու սուրբ մզկիթների պահապան՝ թագավոր Սալման բին Աբդուլազիզ Ալ Սաուդը, գրավոր ուղերձ է ստացել Ռուսաստանի Դաշնության նախագահ Վլադիմիր Պուտինից՝ երկու երկրների միջև երկկողմ հարաբերությունների վերաբերյալ»,- ասվում է գործակալության հաղորդագրության մեջ։
Թագավորը նամակը ստացել է արտաքին գործերի նախարարության ղեկավարի տեղակալ Վալիդ բին Աբդուլ Քարիմ ալ-Խուրեյջիի միջոցով, որը նախորդ օրը հանդիպել էր Սաուդյան Արաբիայում Ռուսաստանի դեսպան Սերգեյ Կոզլովի հետ։
Հանդիպման ընթացքում քննարկվել են Ռուսաստանի և Սաուդյան Արաբիայի միջև երկկողմ հարաբերությունները, ինչպես նաև Մերձավոր Արևելքում և աշխարհում տեղի ունեցող վերջին իրադարձությունները։
