Իրանը ձգտում է դիվանագիտական կարգավորման. Արաղչի
Իրանն ու ԱՄՆ-ն այնքան էլ մոտ չեն միջուկային խնդրի լուծմանը։ Այս մասին գրել է Իրանի արտաքին գործերի Աբբաս Արաղչին:
Նրա խոսքով` Իրանը ձգտում է դիվանագիտական կարգավորման, որը կհամապատասխանի բոլոր կողմերի շահերին։ Սակայն նման լուծումը պահանջում է համաձայնագրի մշակում, որը ներառում է Իրանի դեմ պատժամիջոցների վերացում և խաղաղ նպատակներով ուրանի հարստացման թույլտվություն։
Ավելի վաղ CNN-ը և մի շարք այլ արևմտյան լրատվամիջոցներ հայտնել էին, որ Վաշինգտոնն ու Թեհրանը մոտ ապագայում կարող են համաձայնագիր կնքել Իրանի միջուկային խնդրի կարգավորման շուրջ։
Նշենք` ԱՄՆ նախագահ Դոնալդ Թրամփը հայտարարել է, որ իր վարչակազմը շատ մոտ է իրանական միջուկային խնդրի լուծմանը:
