Էրդողանը կոչ է արել լուրջ վերաբերվել Լավրովի հայտարարություններին
Թուրքիայի նախագահ Ռեջեփ Թայիփ Էրդողանը կոչ է արել լուրջ վերաբերվել Ռուսաստանի արտգործնախարար Սերգեյ Լավրովի՝ Ուկրաինայի վերաբերյալ հայտարարություններին։ Թուրք առաջնորդի խոսքով՝ դրանք խաղաղության հույս են ներշնչում, գրում է «ՌԻԱ Նովոստի»-ն։
Մասնավորապես, Էրդողանը հիշեցրել է Լավրովի խոսքերը, որն ասել էր, որ Ռուսաստանը ցանկանում է Ստամբուլում Ուկրաինայի հետ բանակցությունների երկրորդ փուլ անցկացնել։
«Ռուսաստանի արտգործնախարար Լավրովի այս հայտարարությունը չպետք է թերագնահատել։ Այս հայտարարությունն ավելի է ամրապնդել մեր խաղաղության հույսը», - ասել է Թուրքիայի առաջնորդը՝ Ադրբեջանից վերադառնալուց հետո ինքնաթիռում լրագրողների հետ զրույցում։
Էրդողանը նաև ասել է, որ Անկարան մշտական կապի մեջ է Մոսկվայի և Կիևի հետ և կոչ է անում նրանց բաց չթողնել խաղաղություն հաստատելու հնարավորությունները։ Թուրքիայի նախագահը ընդգծել է, որ հակամարտության լուծման ուղին անցնում է «ավելի մեծ դիվանագիտության և երկխոսության միջոցով» և կոչ է արել հնարավորինս շուտ «մարել այս կրակը»։
