Հնդկաստանի ԶՈւ-ն հայտարարություն է տարածել
Պակիստանի և Հնդկաստանի զինված ուժերը որոշել են մարտական պատրաստականության մակարդակը իջեցնելու միջոցով շարունակել վստահության ամրապնդման միջոցառումները: Այս մասին հայտարարել է Հնդկաստանի զինված ուժերի ներկայացուցիչը։
«Ի լրումն մայիսի 10-ին Հնդկաստանի և Պակիստանի բարձրաստիճան ռազմական ներկայացուցիչների ձեռք բերած փոխըմբռնման, որոշվել է մարտական պատրաստականության մակարդակը նվազեցնելու միջոցով շարունակել վստահության ամրապնդման միջոցառումները», - հայտարարել է նա:
Ավելի վաղ Պակիստանի առաջին փոխվարչապետ, արտաքին գործերի նախարար Իսհակ Դարը հայտարարել էր, որ Հնդկաստանը և Պակիստանը պայմանավորվել են երկարաձգել հրադադարի ռեժիմը մինչև մայիսի 18-ը:
