Նրանք հավասարակշռված մոտեցում չունեն․ Պեսկով
Ուկրաինայի հարցում Եվրոպայի մոտեցումը նպատակ ունի շարունակելու պատերազմը և հակասում է Մոսկվայի ու Վաշինգտոնի մոտեցմանը, հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։
«Նրանց մոտեցումը հավասարակշռված չէ։ Այն ավելի շուտ պատերազմամետ է, ուղղված է պատերազմի շարունակմանը։ Եվ դա կտրուկ հակադրվում է, օրինակ, Մոսկվայում կամ Վաշինգտոնում ցուցաբերված մոտեցմանը», -ասել է Պեսկովը։
Հիշեցնենք՝ ավելի վաղ ՌԴ նախագահի մամուլի քարտուղարը հայտնել էր, որ ռուսական կողմը շարունակում է նախապատրաստվել Ստամբուլում կայանալիք բանակցություններին։
