Դաժան բախումներ` Տրիպոլիում
Տրիպոլիում դաժան բախումներ են սկսվել։ Այս մասին հաղորդել են տեղի ԶԼՄ-ները:
«Ներքին գործերի նախարարությունը կոչ է անում Տրիպոլիի բոլոր բնակիչներին մնալ տանը և դուրս չգալ իրենց անվտանգության համար՝ 444-րդ մարտական բրիգադի, որին աջակցում է Միսրատայի բրիգադը և Անվտանգության և կայունության պահպանման ապարատը, շարունակվող բախումների պատճառով»,- հայտնել են ՆԳՆ-ից:
Բախումները սկսվել են շտաբի պետ Աբդելղանի ալ Քիքլիի սպանությունից հետո։ Տրիպոլիի հարավում գտնվող Այն Զարա և Սալահ ադ Դին շրջաններում ինտենսիվ կրակոցներ են լսվել։ Ներկայումս քաղաք է բերվում մեծ քանակությամբ զինտեխնիկա։
Մայրաքաղաքի Միտիգա միջազգային օդանավակայանը դադարեցրել է գործունեությունը:
