ԵՄ-ն երբեք իր կազմ չի ընդունել պատերազմող երկրներին․ Օրբան

Ուկրաինայի շտապողական անդամակցությունը Եվրամիությանը կհանգեցնի նրան, որ համայնքի բոլոր երկրները կներքաշվեն Ռուսաստանի հետ ռազմական հակամարտության մեջ։ Այս նախազգուշացումը Հունգարիայի վարչապետ Վիկտոր Օրբանը հնչեցրել է Բուդապեշտում Եվրոպական խորհրդարանների խոսնակների համաժողովում։

«Որպես Ուկրաինայի հարևան երկիր, մենք կարծում ենք, որ եթե Ուկրաինան ընդունվի Եվրամիության կազմ, ապա ԵՄ-ն նույնպես կներքաշվի պատերազմի մեջ», – ասել է Հունգարիայի վարչապետը։

Նա հիշեցրել է, որ ԵՄ-ն երբեք իր կազմ չի ընդունել պատերազմող երկրներին։ Օրբանը նաև ափսոսանք է հայտնել, որ եվրոպական երկրների մեծ մասի առաջնորդները մտադիր են շարունակել ռազմական օգնություն ցուցաբերել Ուկրաինային։

«Մենք այլ կարծիք ունենք։ Մենք կարծում ենք, որ որքան երկար շարունակվի այս պատերազմը, այնքան շատ կյանքեր կկորսվեն»,- հավելել է Օրբանը։