Ուկրաինան գնդակոծել է Կուրսկի շրջանը. տուժածների հստակ թիվ չկա
Ուկրաինական զորքերը հարվածներ են հասցրել Կուրսկի շրջանին: Հաղորդվում է հարձակման հետևանքով լուրջ ավերածությունների մասին: Այս մասին հայտնում է «ՏԱՍՍ»-ը:
Գնդակոծության տակ են հայտնվել հյուրանոցի շենքն ու ավտոլվացման կետը: Նախնական տվյալներով՝ հարված հասցնելու համար կիրառվել է համազարկային կրակի ռեակտիվ համակարգ։
Ռուսական կողմի պնդմամբ՝ մտահոգություն է առաջացնում ավերված շենքերի մոտիկությունը կամրջին և դպրոցին։ Փրկարարական ծառայություններն աշխատում են դեպքի վայրում, որոնողափրկարարական աշխատանքներ են իրականացվում փլատակներում, որտեղ կարող են գտնվել մարդիկ: Տուժածների ստույգ թիվն այս պահին հայտնի չէ։ Շրջանի իշխանություններն օպերատիվորեն տեղակայել են հրետակոծության հետևանքների վերացման շտաբ և տուժածներին անհրաժեշտ օգնություն են ցուցաբերում:
