Իսրայելը` ռմբակոծությունից առաջ, կոչ է արել տարհանել մարդկանց
Իսրայելի պաշտպանության ուժերը արաբերենով հայտարարություն են տարածել՝ կոչ անելով տարհանել Եմենի երեք նավահանգիստներից մարդկանց, որոնք վերահսկվում են «Անսար Ալլահ» շարժման կողմից, նախազգուշացում, որը սովորաբար տրվում է ռմբակոծությունից առաջ։
Իսրայելի պաշտպանության բանակի հայտարարության մեջ հիշատակվել են Հոդեյդա, ալ-Սալիֆ և Ռաս Իսա նավահանգիստները։
«Մենք կոչ ենք անում այդ նավահանգիստներում գտնվող բոլոր անձանց տարհանվել և հեռու մնալ դրանցից մինչև հետագա ծանուցում», – տելեգրամյան իր ալիքում գրել է Իսրայելի պաշտպանության բանակի խոսնակը։
