Հնդկաստանը կանխել է Պակիստանի կողմից ևս մեկ հարձակում. Հնդկաստանի ՊՆ
Հնդկաստանի զինված ուժերը Պակիստանի մի քանի ինքնաթիռ են խոցել՝ թույլ չտալով դրանց մուտքը երկրի օդային տարածք։ Այդ մասին ճեպազրույցում հայտարարել է մարշալ Ավադեշ Կումար Բհարտին, գրում է «Ռիա Նովոստի»-ն։
«Մենք դեռևս մարտական իրավիճակում ենք, և եթե ես որևէ բան մեկնաբանեմ, դա կլինի թշնամու օգտին, և մենք այս փուլում չենք ցանկանում նրանց որևէ առավելություն տալ։ Կարող եմ միայն ասել, որ մենք հասանք մեր նպատակներին, և մեր բոլոր օդաչուները վերադարձան տուն», - ասել է նա։
