Պակիստանը խախտեց հրադադարը՝ հրետակոծություններ և օդային հարձակումներ են իրականացրել

Անհապաղ հրադադարի մասին համաձայնագրի ձեռքբերումից ընդամենը մի քանի ժամ անց Պակիստանը խախտել է խաղաղության պայմանավորվածությունը, հաղորդում է Hindustan Times-ը։

Լրատվամիջոցների հաղորդագրությունների համաձայն, Պակիստանի զինված ուժերը հրետակոծություններ և օդային հարձակումներ են իրականացրել մի շարք սահմանային շրջանների վրա, այդ թվում՝ Ռաջաստանի Բարմերում և Ջամմու և Քաշմիրի Բարամուլլայում։

Հավելենք՝ ԱՄՆ նախագահ Դոնալդ Թրամփը ավելի վաղ հայտարարել էր երկրների միջև հրադադարի մասին և ասել, որ բանակցությունները միջնորդվում են Վաշինգտոնի կողմից։

Երկու երկրները համաձայնեցին դադարեցնել  ռազմական գործողությունները ցամաքում, օդում և ծովում։ Սակայն, Հնդկաստանը հայտարարեց, որ Ինդոսի ջրերի մասին պայմանագիրը կդադարեցվի, և որ Պակիստանի քաղաքացիների համար վիզայի տրամադրման արգելքը կմնա ուժի մեջ։