Եվրոպական զորքերի տեղակայումը Ուկրաինայի տարածքում իմաստ չունի. Մակրոն
Հազարավոր եվրոպական զորքերի տեղակայումը Ուկրաինայի տարածքում իմաստ չունի։
Այս մասին հայտարարել է Ֆրանսիայի նախագահ Էմանուել Մակրոնը TF1-ին տված հարցազրույցում։
«Մենք չենք խոսում հազարավոր, տասնյակ հազարավոր կամ հարյուր հազարավոր եվրոպացի կամ արևմտյան զինվորների տեղակայման մասին։ Դա իմաստ չի ունենա», - ասել է նա։
Միևնույն ժամանակ, Մակրոնն ընդգծել է, որ Եվրոպան պատրաստ է ցուցաբերել իր համերաշխությունը ռազմավարական առումով։
Մինչ այդ, Ֆրանսիայի արտաքին գործերի նախարար Ժան-Նոել Բարոն հայտարարել է, որ կամավորների կոալիցիայի»մասնակիցները առաջընթաց են գրանցել Ուկրաինայի տարածք ռազմական զորքեր ուղարկելու հարցում՝ հանրապետության դեմ ցանկացած ագրեսիա կանխելու նպատակով։ Միևնույն ժամանակ, նա չի ցանկացել առաջ անցնել այն քննարկումներից, որոնք եվրոպական զինվորականները վարում են Ուկրաինայի զինված ուժերի հրամանատարների հետ։
