Հայտնի են դարձել Ռուսաստանի դեմ ամենաշատ պատժամիջոցներ կիրառած երկրները

Հայտնի են դարձել Ռուսաստանի դեմ ամենաշատ պատժամիջոցներ կիրառած երկրները: 

2025 թվականի ապրիլի վերջի դրությամբ Ռուսաստանի դեմ կիրառվել է մոտ 28,937 պատժամիջոցներ։ Դրանց մեծ մասը (92 %) կիրառվել է 2022 թվականի փետրվարից։

Պատժամիջոցների առումով առաջին տեղում է Ամերիկայի Միացյալ Նահանգները։ Դրանք կազմում են բոլոր կիրառված սահմանափակող միջոցառումների 25.5%-ը կամ 7,384 պատժամիջոցներ։

Առաջին եռյակում են նաև Կանադան՝ 12.6% (3,639 պատժամիջոցներ) և Շվեյցարիան՝ 11.3% (3,266 պատժամիջոցներ)։

Հաջորդում են Նորվեգիան, ԵՄ-ն, որն արդեն պատրաստում է Ռուսաստանի Դաշնության դեմ պատժամիջոցների 17-րդ փաթեթը, Իսլանդիան և Մեծ Բրիտանիան, որոնք կիրառել են ավելի քան 2000 պատժամիջոցներ։ Առաջին տասնյակում են նաև Նոր Զելանդիան, Ավստրալիան և Ճապոնիան։

Ամենաքիչ պատժամիջոցները կիրառել են Սինգապուրը՝ 5, և Հարավային Կորեան՝ 24։