Պուտինն ու Թրամփը շնորհավորանքներ են փոխանակել

Ռուսաստանի նախագահ Վլադիմիր Պուտինը և ԱՄՆ առաջնորդ Դոնալդ Թրամփն իրենց օգնականների միջոցով շնորհավորանքներ են փոխանակել Հաղթանակի օրվա կապակցությամբ: Այս մասին հայտնել Է ՌԴ նախագահի օգնական Յուրի Ուշակովը։

«Ռուսաստանի նախագահն ու նախագահ Թրամփն իրենց օգնականների միջոցով շնորհավորանքներ են փոխանակել մեր ընդհանուր տոնի կապակցությամբ», - ասել Է Ուշակովը:

Հիշեցնենք, որ այսօր Մոսկվայի Կարմիր հրապարակում կայացել է Հաղթանակի 80-ամյակի պատվին զորահանդեսը, որին ներկա են եղել բազմաթիվ պետությունների ղեկավարներ, այդ թվում ՝ ՀՀ վարչապետ Նիկոլ Փաշինյանը, Չինաստանի ղեկավար Սի Ծինփինը, Վենեսուելայի նախագահ Նիկոլաս Մադուրոն, Սերբիայի նախագահ Ալեքսանդր Վուչիչը, Բրազիլիայի նախագահ Լուիս Ինասիու Լուլա դա Սիլվան, Ղազախստանի նախագահ Կասիմ-Ժոմարտ Տոկաևը, Ուզբեկստանի նախագահ Շավքաթ Միրզիյոևը, Ղրղզստանի ղեկավար Սադիր Ժապարովը, Աբխազիայի նախագահ Բադրա Գունբան, ինչպես նաև այլ երկրների ղեկավարներ, այդ թվում՝ աֆրիկյան պետություններից։