Տեղի է ունեցել Թրամփ-Էրդողան հեռախոսազրույց

Տեղի է ունեցել ԱՄՆ և Թուրքիայի նախագահներ Դոնալդ Թրամփի և Ռեջեփ Թայիփ Էրդողանի հեռախոսազրույցը։ Քննարկվել են երկկողմ հարաբերություններն ու տարածաշրջանային հարցեր։ Էրդողանը Թրամփին հրավիրել է Թուրքիա։

Սոցցանցի իր էջում Թրամփը հեռախոսազրույցը որակել է «լավ և արդյունավետ»։

«Խոսեցինք բազմաթիվ թեմաների շուրջ, այդ թվում՝ ռուս-ուկրաինական պատերազմի, Սիրիայի, Գազայի և այլնի վերաբերյալ։ Նախագահն ինձ հրավիրեց Թուրքիա, և նա նույնպես կգա Վաշինգտոն։ Նախագահի պաշտոնում իմ չորս տարիների ընթացքում իմ հարաբերությունները նախագահ Էրդողանի հետ հիանալի էին։ Մենք սերտորեն համագործակցել ենք բազմաթիվ հարցերի, այդ թվում՝ այն փաստի շուրջ, որ նա օգնել է բանտարկված քահանա Էնդրյու Բրանսոնին վերադարձնել Միացյալ Նահանգներ՝ անմիջապես իմ խնդրանքով։

Ամեն դեպքում, ես անհամբեր սպասում եմ նախագահ Էրդողանի հետ համագործակցելուն՝ Ռուսաստանի և Ուկրաինայի միջև ծիծաղելի, բայց մահացու պատերազմին հիմա վերջ դնելու համար։