Մախաչկալայում փոխհրաձգության հետևանքով վիրավորների թիվն աճել է. նոր մանրամասներ
Մախաչկալայում տեղի ունեցած փոխհրաձգության հետևանքով վիրավորվել է առնվազն յոթ մարդ։ Այս մասին հայտնել է Ռուսաստանի առողջապահության նախարարությունը։
«Նախնական տվյալներով՝ Մախաչկալայի Մագոմեդտագիրով և Քերիմով փողոցների խաչմերուկում տեղի ունեցած փոխհրաձգության հետևանքով վիրավորվել է յոթ մարդ», - ասվում է հաղորդագրության մեջ։
Գերատեսչության տվյալներով՝ մեկ ոստիկան զոհվել է, ևս երկուսը տեղափոխվել են հիվանդանոցներ։ Հոսպիտալացվածներից մեկը ծանր վիճակում է։ Հիվանդանոց են տեղափոխվել նաև երկու վիրավոր զինյալներ։
Վիրավորվել են նաև երկու քաղաքացիական անձ։
Հիշեցնենք` մայիսի 5-ին չորս անհայտ անձինք Մախաչկալայում հարձակվել են ճանապարհային ոստիկանության պարեկային մեքենայի վրա և կրակ բացել ճանապարհային ոստիկանության աշխատակիցների վրա, որից հետո գողացել են ծառայողական մեքենա և փախել հանցագործության վայրից։ Դաղստանի ղեկավար Սերգեյ Մելիքովի խոսքով՝ փոխհրաձգությունը սկսվել է այն բանից հետո, երբ ոստիկանները փորձել են կանգնեցնել այն մեքենան, որում գտնվում էին հարձակվողները։
