Դա անհրաժեշտ է Ռուսաստանի և ԱՄՆ-ի միջև. Պետդեպարտամենտ

Ուկրաինական ճգնաժամի կարգավորման հարցում անհրաժեշտ է անձնական շփում Ռուսաստանի և ԱՄՆ-ի ղեկավարների միջև։ Այս մասին լրագրողների համար հերթական ճեպազրույցում ասել է ԱՄՆ Պետդեպարտամենտի մամուլի ծառայության ղեկավար Թեմմի Բրյուսը՝ ի պատասխան ԱՄՆ նախագահ Դոնալդ Թրամփի և Ռուսաստանի պետության ղեկավար Վլադիմիր Պուտինի շփումների վերաբերյալ քննադատություններին։

«ԱՄՆ պետքարտուղար Մարկո Ռուբիոյի դիրքորոշումն այս հարցում շատ մոտ է նախագահ Թրամփի դիրքորոշմանը, և այն հանգում է նրան, որ պետք է մարդկանց հետ խոսել դեմ առ դեմ։ Դիվանագիտությունը հանգում է մարդկանց միջև պայմանավորվածություններ ձեռք բերելուն, որոշակի հարցերի քննարկմանը և ընդհանուր լեզու գտնելուն»,- ընդգծել է Պետդեպարտամենտի ներկայացուցիչը։

Ռուսաստանի նախագահ Վլադիմիր Պուտինը և Թրամփը մարտի 18-ին հեռախոսազրույց են ունեցել, որի ընթացքում քննարկվել են ուկրաինական հակամարտության 30-օրյա հրադադարի, էսկալացիայի կանխման պայմանները և մի շարք միջազգային հարցեր։